Eksperti i Këshillit të Europës: 20 % e votave janë blerë, boll më me këto manovra…

Eksperti i Këshillit të Europës, Quentin Reed, i ka drejtuar një apel deputetëve shqiptarë që të heqin dorë nga manovrat për blerjen e votive.

Në mbledhjen e Komisionit Parlamentar për Reformën Zgjedhore, Reed ka kërkuar që të luftohet mendësia e dhënies së votës si detyrim moral për një shërbim që i është bërë ose dhënies së gjërave në shkëmbim.

“Sondazhet tregojnë se 20% e shqiptarëve janë përfshirë në tentativa shitblerje vote.

Në Shqipëri janë 5-6 mekanizma, si shpërndarja e parave e mallrave në zonat e varfra;  premtimi për punë në sektorin publik – fenomen dominant ky në Shqipër; së treti, pagesa për pjesëmarrje ose jo në votim duke u marrë kartën e identiteti; përdorimi i skemës së mbështetjes sociale për fushatë dhe blerje vote apo fshirja e borxheve të dritave dhe ujësjellësi.

Duhet të ndalohet përdorimi i dhënies së shkëmbimeve, të ruhet fshehtësia e votës dhe të ndërgjegjësohen njerëzit”, porositi Reed.